Our Blog

Акрил болон алкид эмалийн ялгаа, ерөнхий хэрэглэх зөвлөгөө болон материалын зөв хослолууд. Нэг бүрэлдэхүүнт акрил эмалийн шинж чанар. Акрил эмульсийг бодвол лаазтай шүршдэг акрил эмаль нь усан биш органик суурьтайгаараа ялгардаг.
Давуу талууд (алкид шүршдэг эмальтай харьцуулахад):
* маш хурдан хатдаг;
* тод өнгө;
* уян хатан чанар өндөр бөгөөд хуванцарт маш сайн наалддаг (эдгээр шинж чанаруудын ачаар акрил эмалийг хуванцар гадаргуу дээр түрхэхэд тохиромжтой байдаг).
Сул талууд (алкид шүршдэг эмальтай харьцуулахад):
*цаг агаарын тэсвэртэй байдал дунд зэрэг;
*металлд дунд зэрэг наалддаг (урьдчилж өнгөлөх шаардлагатай);
*уусгагчийг дунд зэрэг эсэргүүцдэг.
Нэг бүрэлдэхүүнт алкид эмалийн шинж чанар
Алкид эмалийн онцлог нь акрилтай харьцуулахад хатсаныхаа дараа ч химийн процесс нь дуусдаггүйд байдаг. Уусгагч ууршсаны дараа агаарын хүчилтөрөгчийн нөлөөнд алкид эмалийн полимержих процесс үргэлжилдэг. Молекулууд хоорондоо холбогдож, нэг том молекулыг үүсгэж, бүрхүүлийг илүү бат бөх бөгөөд янз бүрийн нөлөөнд тэсвэртэй болгодог боловч уян хатан чанар бага, илүү хэврэг байдаг. Гэсэн ч алкид нь маш эрт нээгдэж, илүү сайн судлагдсан. KUDO орчин үеийн найрлага нь энэ чанарыг тооцон үзэж бүрэн полимержсэний дараа ч лакан будгийн хальс нь хангалттай уян хатан хэвээр үлддэг. Полимержих процесс нь хэдэн өдрөөс хоёр долоо хоног хүртэл үргэлжилж болно. Полимержих үед бүрхүүлийг механик нөлөөнд өртүүлж болохгүй. Жишээ нь: алкид эмалиар будсан автомашины их биеийн элементийг хоёр долоо хоногийн турш угааж өнгөлж болохгүй. Мөн полимержих үед алкид эмалийг дээгүүр нь өөр лакан будгаар бүрж болохгүй бөгөөд алкид суурьтай байсан бүрхүүл нь гэмтэх магадлалтай. Будгийг нойтон байхад нь бүрж болно, өөрөөр хэлбэл өнгөн хэсэг хатсаны дараа шууд дараагийн бүрхүүлийг түрхэнэ эсвэл бүрэн полимержихийг хүлээх хэрэгтэй. Нойтон байхад нь түрхсэнээр түрхсэн давхарга бүрэн полимержсэний дараа түрхсэнээс илүү сайн наалддаг. Шүршдэг алкид будаг нь цаг агаарын эсэргүүцэл өндөр бөгөөд нэмэлт лакан бүрхүүл шаарддаггүй.
Давуу талууд (акрил шүршдэг эмальтай харьцуулахад):
* металлд сайн наалддаг;
* хатуулаг чанар илүү өндөр;
* цаг агаарын эсэргүүцэл илүү өндөр;
* гэрэлд тэсвэртэй чанар илүү өндөр (бага өнгөө алддаг);
* уусгагчид тэсвэртэй чанар илүү өндөр.
Сул талууд (акрил шүршдэг эмальтай харьцуулахад):
* хатах хугацаа илүү урт;
* полимержих процесс урт.

Зах зээл дээр үндсэн хоёр төрлийн баллонтой полиуретан угсралтын хөөс байдаг: хуванцар хоолойтой ахуйн болон бууны хавхлагатай мэргэжлийн. Ахуйн хөөсийг ажлыг өөрсдөө хийдэг хүмүүс хэрэглэдэг бөгөөд энэ нь маш ховор байдаг тул мэргэжлийн буунд мөнгө үрэх шаардлага байдаггүй. Мэргэжлийн угсрагчид буугаар түрхэхэд хялбар бөгөөд хурдан, мөн хөөс нь өөрөө ахуйн хөөснөөс шинж чанараараа илүү байдаг учир мэргэжлийн хөөсийг илүүд үздэг. Гэхдээ бүх шинж чанараараа мэргэжлийн хөөс нь ахуйн хөөснөөс илүү юу?
* Зөрүү нь юунаас болж гарч байна;
Ахуйн болон мэргэжлийн хөөс нь хоорондоо хуванцар хоолойгоор эсвэл буугаар гарах хөөсний нөхцлөөр ялгардаг. Технологичид энэ онцлогын дагуу ахуйн болон мэргэжлийн хөөсний найрлагыг тохируулдаг ч хуванцар хоолой болон буунаас үүсэх ялгааг бүрэн арилгаж чаддаггүй.
* Гаралтын хэмжээ;
Ижилхэн дүүргэсэн баллонуудад гаралтын хэмжээ нь мэргэжлийн хөөсөнд илүү өндөр байдаг. Бууны бүтэц, тохируулга нь гаралтын хэмжээ болон хөөсний бусад шинж чанарт нөлөөлдөг. Туршлагатай угсрагчид бууг хамгийн сайн боломжит үр дүнд хүрэхээр тохируулж чаддаг.
* Хөөсний бүтэц;
Хуванцартай хоолойтой баллоноос гарсан хөөс нь буутай баллоноос гарсан хөөснөөс илүү нягт бүтэцтэй байдаг. Ижил масстай байхад гаралтын хэмжээ бага байх тусам нягтрал их байх нь ойлгомжтой юм.
Дулаан тусгаарлах шинж чанар;
Хөөсний дулаан тусгаарлах шинж чанарт нөлөөлдөг хэд хэдэн хүчин зүйлийн нэг нь нягтрал юм. Хөөс нь хэр нягт байна тэр хэмжээний сайн дулаан тусгаарлалтыг хангадаг. Тиймээс хуванцар хоолойтой баллоноос гарсан илүү нягтралтай хөөс нь буунаас гарсан хөөснөөс илүү дулаан тусгаарлах шинж чанартай байдаг.
* Хоёрдогч тэлэлт;
Энэ нь маш чухал параметр юм. Бүрэн полимержсэн хөөс нь шинэ түрхсэн хөөстэй харьцуулахад хэр их тэлэхийг харуулдаг. Ахуйн болон мэргэжлийн хөөсний хоорондын ялгаа асар их байдаг: өөр өөр үйлдвэрлэгчийн хэрэглэсэн найрлагаас хамааран мэргэжлийн хөөсний хоёрдогч тэлэлт 15-60% хооронд (KUDO PROFF ABSOLUT 15-30%, KUDO TREND 25% хүртэл) өөр өөр байдаг бол ахуйн хөөс 200 бүр 300% тэлдэг! Хэрвээ хэт их хөөс түрхвэл, хөөс нь тэлэхдээ цонх эсвэл хаалганы хүрээнд даралт өгч гажилт үүсгэх учир түрхэхдээ энэ онцлогийг заавал анхаарах хэрэгтэй. Тиймээс ахуйн хөөсийг 5-10дахин хүчтэй тэлэхийг тооцож нүхэнд бага хэмжээгээр түрхэх хэрэгтэй.
* Ашиглах температур;
Мэргэжлийн угсралтын хөөсийг хэрэглэх температурын хүрээ нь (ялангуяа бага температурт) ахуйн хөөснөөс хамаагүй өргөн байдаг. Жишээ нь: KUDO ABSOLUT PROFF 65++ ARKTIKA NORD мэргэжлийн хөөс нь баллоны температур -10°С хүртэл, гадна агаарын температур -25°С хүртэл хэмд ажиллах чадвартай байдаг бол, KUDO HOME 50+ ARKTIKA ахуйн хөөсний баллоныг зөвхөн 0°С хүртэл (0°С нь зах зээл дээрх ахуйн хөөсний хамгийн сайн үзүүлэлт) хөргөх боломжтой бөгөөд орчны -12°С хүртэл температурт ажиллах чадвартай байдаг. KUDO оригинал технологи нь илүү бага температурт ажиллах чадвартай ахуйн хөөсийг үйлдвэрлэж болох ч бусад шинж чанарууд нь муудаж, үнэ огцом өсөх юм.
Тэгэхээр мэргэжлийн хөөс нь бусад ижил нөхцөлд гаралтын хэмжээ их, хоёрдогч тэлэлт бага, хэрэглээний температурын хүрээ илүү өргөн байдаг. Мөн ахуйн хөөс нь илүү нягт бүтэцтэй, илүү сайн дулаан тусгаарлах шинж чанараараа ялгардаг.

Гялгар гадаргуугаас угсралтын хөөсний ул мөрийг арилгах амархан байдаг. Сүвэрхэг гадаргуугаас хөөсийг арилгах нь илүү хэцүү бөгөөд гадаргуугийн сүвэрхэг чанар их байх тусам бохирдлыг ул мөргүй арилгах боломж бага байдаг. Хатаагүй болон хатсан хөөсийг арилгахын тулд төрөл бүрийн бодис хэрэглэдэг.
* Хатаагүй хөөсийг арилгах KUDO FOAM&GUN CLEANER;
Хатаагүй угсралтын хөөсийг шүршдэг угсралтын хөөс цэвэрлэгчийн тусламжтай арилгана. Бууны дотор талыг угаахын тулд баллоныг буунд шургуулна ингэснээр тохируулах шураг бүрэн нээгдэж цэвэрлэгчийг буугаар таван секундэнд гурван удаа дамжуулна. Бууны гадна тал, баллоны хавхлага, ажлын гадаргуу болон хувцсан дээрх хатаагүй угсралтын хөөсийг арилгахын тулд цэвэрлэгчтэй баллоны хавхлагат шүршигч толгойг суулгаж, бохирдсон газрыг цэвэрлэгчээр цэвэрлэж, үлдсэн хөөсийг салфетка эсвэл даавуугаар арилгана.
*** Анхаар!*** Цэвэрлэгчтэй баллоныг доош харуулсан байдалтай ажиллана. Найрлагандаа хуванцар болон будсан гадаргууд нөлөөлж болох уусгагч агуулдаг учир тийм гадаргууг цэвэрлэхийн өмнө хүнд анзаарагдахгүй хэсэгт найрлагын нөлөөг туршиж үзэхийг зөвлөж байна. Нүд болон бусад салст бүрхэвчтэй хэсэгт хүргэхээс болгоомжилно уу.
* Хатсан хөөсийг арилгах KUDO FOAM REMOVER;
Хатсан угсралтын хөөсийг арилгахад хатсан угсралтын хөөс цэвэрлэгч хэрэглэх хэрэгтэй. Энэ нь мөн шүршигчтэй баллонтой байдаг. Гадаргууг цэвэрлэхийн тулд эхлээд бохирдлоос хамгийн их боломжтой хэсгийг хутгаар зүсэж эсвэл өөр механик аргаар арилгах хэрэгтэй. Дараа нь бохирдсон хэсэгт цэвэрлэгчийг шүршиж, хөөс зөөлрөх хүртэл 10-30минут хүлээнэ. Зөөлөрсөн хөөсийг шпателаар болгоомжтой цэвэрлэж эсвэл цэвэрхэн хуурай даавуугаар арчина.
*** Анхаар! *** Найрлагандаа хуванцар болон будсан гадаргууд нөлөөлөж болох уусгагч агуулдаг учир тийм гадаргууг цэвэрлэхийн өмнө хүн анзаарагдахгүй хэсэгт найрлагын нөлөөг туршиж үзэхийг зөвлөж байна. Нүд болон бусад салст бүрхэвчтэй хэсэгт хүргэхээс болгоомжилно уу.